Search
Կապ մեզ հետ
خیابان استاد نجات الهی، شماره 295
تهران 1598873311
No.295, Ostad Nejatollahi Ave.,
Tehran - IRAN
Tel: (+98-21) 88901634, 88901635,
88901636, 88897980, 88897981
Fax: (+98-21) 88892617
Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com
ՀԱՆԴԻՍԱՒՈՐ Ս. ԵՒ ԱՆՄԱՀ ՊԱՏԱՐԱԳ Ս. ՄԻՆԱՍԻ ՏՕՆԻ ԱՌԻԹՈՎ
Դեկտեմբերի սկզբին համաձայն մեր եկեղեցու ծիսական օրացոյցի՝ քրիստոնէական եկեղեցու 4-րդ դարի մեծագոյն սրբերից՝ Ս. Մինասի եւ իր նահատակակից ընկերների՝ Եւգրափոսի, Երմոգինէսի, Յովահաննէսի եւ Ալեքսիանոսի յիշատակի օրն է:
Թեհրանի Ս. Սարգիս եկեղեցում լուսաւորւեց Ամանորի տօնածառը
Հովանաւորութեամբ եւ ներկայութեամբ Թեհրանի Հայոց թեմի առաջնորդ Տ. Սեպուհ արք. Սարգսեանի եւ նախաձեռնութեամբ՝ Թեհրանի հայոց թեմի եկեղեցիների Եկեղեցական խորհուրդների, այս տարի իւրայատուկ տօնական մթնոլորտում Թեհրանի Ս. Սարգիս առաջնորդանիստ եկեղեցու տարածքում, դեկտեմբերի 4-ի երեկոյեան լուսաւորւեց 2026 թւականը խորհրդանշող Ամանորի տօնածառի լոյսերը:
ՀՈԳԵՀԱՆԳԻՍՏ՝ ՍՊԻՏԱԿԻ ԵՐԿՐԱՇԱՐԺԻ 37-ՐԴ ՏԱՐԵԼԻՑԻ ԱՌԻԹՈՎ
Կիրակի, 7 դեկտեմբեր 2025 թւականին, Թեհրանի հայոց թեմի բոլոր եկեղեցիներում Ս. Պատարագից յետոյ կատարւեց հոգեհանգստեան արարողութիւն, 1988 թւին Հայաստանի Սպիտակ քաղաքում աւերիչ եւ աղէտալի երկրաշարժին զոհ գնացած աւելի քան 25 հազար հայորդիների հոգիների խաղաղութեան համար:
Անդրադարձ՝ հանգուցեալ անձնուրաց Վալոդ Սարգսեանի թաղման եւ յուղարկաւորութեան արարողութեան
Հայ անձնուրաց վետերան Վալոդ Սարգսեանի, յուղարկաւորութեան կրօնական արարողութիւնը կատարւեց հինգշաբթի նոյեմբերի 20-ին, Սրբոց Թարգմանչաց եկեղեցում մատուցւած Ս․ Պատարագից յետոյ, որից յետոյ դին փոխադրւեց Թեհրանի Նոր Բուրաստան գերեզմանատուն եւ ամփոփւեց յատուկ բաժնում:
Անդրադարձ՝ հանգուցեալ անձնուրաց Վարուժ Զարգարեանի յուղարկաւորութեան
Նոյեմբերի 15-ին տեղի ունեցաւ Իրան-Իրաք պարտադրեալ ութ ամեայ պատերազմի տարիներին մարտական գործողութիւններին մասնակցած եւ պատերազմի ընթացքում վիրաւորւած հայ ազատամարտիկ Վարուժ Զարգարեանի յուղարկաւորութեան արարողութիւնը՝ ընտանիքի անդամների, հարազատների, հարեւանների, ինչպէս նաեւ հայ համայնքի ազատամարտիկների, նահատակների ու անհետ կորածների ընտանիքների մասնակցութեամբ։
ԹԵՄԱԿԱՆ ԽՈՐՀՐԴԻ ՀԱՆԴԻՊՈՒՄԸ՝ ՄԻՈՒԹԻՒՆՆԵՐԻ ՆԵԿԱՅԱՑՈՒՑԻՉՆԵՐԻ ՀԵՏ
Երեքշաբթի, 2 դեկտեմբեր 2025 թւականին, Թեմական Խորհրդի հրաւէրով եւ մասնակցութեամբ համայնքում աշխատող միութիւնների վարչութեան դիւանների եւ ներկայացուցիչների, խորհրդակցական հանդիպում տեղի ունեցաւ 2026 թւականի Ամանորեայ խրախճանքների եւ ընդհանուր առմամբ ծրագրերի ու ձեռնարկների կազմակերպման առնչւող հարցերի շուրջ։
ՀԱՆԴԻՍԱՒՈՐ Ս. ՊԱՏԱՐԱԳ Ս. ՄԻՆԱՍ ԵԿԵՂԵՑՈՒ ՏՕՆԻ ԱՌԻԹՈՎ
Այսու մեր թեմի հաւատացեալ ժողովրդին յայտնում ենք, որ երկուշաբթի 8 դեկտեմբեր 2025 թւականին, տօնն է Ս. Մինասի: Ս. Մինասի տօնը համընկնում է Վանաքի Ս. Մինաս եկեղեցու անւանակոչութեան տօնին:
Այս առիթով, նոյն օրը հովանաւորութեամբ Գերշ. Տ. Սեպուհ Ս. Արք. Սարգսեանի, Ս. Մինաս եկեղեցում տեղի է ունենալու հանդիսաւոր Ս. Պատարագ:
Օրւայ պատարագիչն է լինելու Թեմիս Առաջնորդի օգնական՝ Հոգշ. Տ. Առաքել Աբղ. Գատեհճեանը:
Սկիզբ ժամերգութեան ժամը 9:00-ին
Ս. Պատարագ ժամը 10:00-ին
Քարոզ ժամը 11:00-ին
Հրաւիրում ենք մեր ժողովրդի սիրելի զաւակներին, ներկայ լինելու կրօնական արարողութեան, եւ հաղորդւելու օրւայ խորհրդով:
ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ
Թեհրանում «Ս. Մարիամ» նոր մետրոկայանը դռները բացեց հանրութեան առաջ
Շաբաթ, 29 նոյեմբերի 2025 թւականին, մայրաքաղաքի Քարիմխան պողոտայի Նեջաթօլլահի հատւածում բացումը կատարւեց «Ս. Մարիամ» մետրոկայանի՝ Թեհրանի քաղաքապետ Զաքանիի եւ քաղաքային պատասխանատուների ներկայութեամբ։ Բացման արարողութեանը մասնակցել են նաեւ արտասահմանցի հիւրեր եւ շուրջ քսան երկրների դեսպաններ կամ դեսպանատների ներկայացուցիչները:
17-րդ շրջանի ՊԺ-ի հերթական նիստը զբաղւեց Թ.Հ.Թ. Թեմական խորհրդի ներկայացրած բիւջէի եւ ներհամայնքային հարցերով
Թեհրանի հայոց թեմի 17-րդ գումարման Պատգամաւորական ժողովի հերթական նիստը կայացաւ չորեքշաբթի թւականիս նոյեմբերի 26-ին, դոկտ. Սեւակ Հաթամեանի ատենապետութեամբ:
ՀԱՆԴԻՍԱՒՈՐ Ս. ՊԱՏԱՐԱԳ «Ս. ԱՍՏՒԱԾԱԾՆԱՅ ԵՐԻՑ ԱՄԱՑ Ի ՏԱՃԱՐՆ ԸՆԾԱՅՄԱՆ» ԵՒ Ս. ԱՍՏՒԱԾԱԾԻՆ ԵԿԵՂԵՑՈՒ ԱՆՒԱՆԱԿՈՉՈՒԹԵԱՆ ՏՕՆԻ ԱՌԻԹՈՎ
Նոյեմբերի 21-ը տօնն է «Ս. Աստւածածնայ Երից ամաց ի տաճարն ընծայման» եւ տօնն է նաեւ համանուն եկեղեցու անւանակոչութեան:
بخش فارسی
Հայկական անձնանուններ
Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը: